تجربتي ل مجموعة التفتيح من ايف روشية ..

مرحبا ..


اليوم راح اكلمكم عن تجربتي لـ مجموعة التفتيح من محل إيف روشية

المحل أنا شخصياً دائماً أدخلة واتردد اخذ منة بصراحة احس احتار ومالي تجارب سابقة معاه ..

مرة شفت بنات خواتي يسولفون عن منتج من عندهم هو عبارة عن ميلك لتنظيف الوجة والمكياج 

المهم بنتي اختي الي مشتريتة أنا اعرفها بشرتها حسسساسة جداً وادخل معهم بالموضوع واستفسر منها تقولي خالة اعجز اعبر لك عنه جممميل المنتج 
ومن قلب ينظف وماحسس بشرتي ولا شي وحتى لو غسلة المكياج ونظفته  

وحطيت الميلك هذا يطلع باقي المكياج بالقطن انا اعجبت فيه صراحة .. 
عاد تعرفون اذا وحدة من الخوات

 او بنات الخوات جابت شي جديد ومدحته لازم الكل يجربة لين نخلصه ع البنت ههههه بس الحمدلله ماخلصناه عليها

قلت بخاطري اول ما برجع الرياض بشتريه ونسيت السالفة فجاءة اسولف مع اختها بالوتس اب ونتكلم عن الشعر قالت لي انها اشترت شامبو من إيف روشية خاص لشعر الدهني طريقتة يخلص الشعر من جممميع الدهون والرواسب بالشعر 
وينظفه بس عيبه يجفف الشعر شويتين لازم بلسم او ماسك لشعر بعدة انا بعتقادي مثل هذي الشامبوهات ماتستخدم كل يوم اتوقع مرة بعد اسبوعين او اذا عندك مناسبة وماتبين شعرك يلصق .. اعجبت جداً بالشركة والي اعجبني اكثر اسعارها حلوووة 

كنت بنفس اليوم بطلع السوق وعلى طوول اول محل دخلته  انا من بعد ماسقطت بيبي احس بشرتي مادري كيف اوصف لكم صارت باهته وشاحبة شوي  مع اني متغذية زين بعد التسقيط و حاطة خلطة بس مادري مو زي بشرتي بالعادة  كلمت الموظفة عن المشكلة الي عندي وماشاء الله مبين فاهمة البنت فرعهم الي بحياة مول والله ماني  متذكرة اسمها بس قصيرة وكل مااسئل عن شي البنات ينادونها تكلمني عن الشئ الي سئلت عنه  تقريباً هي الوحيدة الي فاهمة بالمحل .. المهم نصحتني بمجموعة التفيح اخذتها وبعد ماجربتها تقريباً ثالث يوم حسيت بشرتي بدت تتغير انا استخدمتها مرتين قبل انام واول ما اصحى من النوم .. بعد اسبوع ونص صدق بشرتي تحسنت ما اقولكم فتحت لاني انا ما اخذتها عشان هذا الشي اخذتها على اساس النضارة والاشراق ومن جد يابنات تغيرت بشرتي معاها الموظفة قالت لي اذا بشرتك جافة او مختلطة لجافة بتناسبك اذا دهنية او مختلطة لدهنية ماتناسبك انا مختلطة  لجافة ف مناسبتني الحمدلله تعرفون لمى اغسل وجهي بالغسول واحط التونر وكريم الوجة و كريم محيط العين احس وجهي فريش وصحي في لمعة صحية ونضارة حبيتها من جد بس بصراحة كريم محيط العين مافتح لي الهالات يعني الي بتشتري المجموعة لها حرية الخيار  تستغني عنه او تشترية يمكن انا ماناسبني ويناسب غيري انا بس اتكلم عن تجربتي مانفع معاي مع ان هالاتي مو مرة غامقة بس موجودة ف لو خلصت من عندي بجرب مجموعات ثانية من عندهم لان الصراحة حصل هذا المحل على ثقتي .. وانصحكم فية بقووة 

هذي صورة المجموعة نبداء من اليسار الغسول الجميل فية انو ماينشف الوجة حبيتة 
التونر يعطيك شعور بالانتعاش جممميل والكريم المرطب يرطب لك بشرتك بدون مايخلي اثر دهني ع الوجة انا شخصياً اضفت له قطرات من زين جنين القمح سوو سيرش وبتحصلون معلومات كثير بختصرها لكم ان العلماء الي اكتشفوه سموه ترياق الشباب والفراعنة القدماء يستخدمونه بكثرة ..   الي على شكل مرهم هو المرطب لمحيط العين ومفتح للهالات ماحصلت اي نتيجة منه استبدلته بزبدة بالمرز الي نزلت بوست عنها بالانستجرام لسه باديه فيها ما اقدر احكم بالنسبة لمحيط العين  ومثل ماقلت هذي تجربتي الشخصية الي تبي تفتيح عندهم سيرم تابع للمجموعة مفتح مركز لتفتيح السريع 

شي ثاني عجبني بالمحل مجموعات الشور ريحتها فواحة وثابته نفس العطور الفرنسية اخذت منهم الكروت الي بخت لي عليهم ثبتت بشنطتي ريحتهم حتى نقابي غسلته وباقي فيه  .. بوريكم مجموعة انجنيت عليها اغرمت فيها ااااخ ريحتها بطططلة بس كان عندي مجموعات كثير قلت بخلصهم بعدين اخذها

العطر نفس العطور الفرنسية ريحتة جميلة وتحسين واضحة حبيتها 

بس لاتخلصونها علي الفترة هذي معاقبة على كثرة الطلعات هههههههه
اخاف اذا جاء الافراج ما احصلهاloool 


وبس انتهينا ان شاء الله استفدتوو ..