قنوات اليوتيوب المفضلة عندي ..

مرحبا .. 

احس التدوين او متابعة المدونة جزء من الروتين اليومي حقي .. 

اليوم حبيت ادون عن شي مختلف..


التدوينة اليوم عن القنوات الي احب اشوفها دايم ع اليوتيوب .. 


راح اصنفها لك

قنوات التجميل ..

(١)

لورين بنت استرالية .. تنزل فيديوهات طريقة مكياجها ..





تقدرون تقولون ستايلها بالمكياج نفس ستايلي احب اركز بالمكياج على عيوني 

بالنسبة للفاونديشن تحب النوع الثقيل الفل كفر  انا بالنسبة لي احس اني ما احتاج هذي التغطية اخذ ميديم كفر يعني وسط الحمدلله بشرتي ماتحتاج طبقة تغطية كبيرة ..

lauren currtis

اول ماتحطونها بالبحث حق اليوتيوب بتطلع لكم قناتها ..

(2) 

البنت الثانية من الاكسنت حقتها اتوقع بعد استرالية  

اسمها ..  shaaanxo

بعد هذي يعجبني مكياجها بس البنت بثرة شوي يمكن لو شفتو مقاطعها بتفهموني 
احس انها تميلح وتستعرض شوي بتقولون لي انتي نفسيه ههههه لا بس شوفوا شكلها وتعابير وجهها وهي تحاول تكون ظريفة مادري كيف ’ ماعلينا المهم تشوفون مكياجها جميل ..

(3)

اسمها ..  dulce  candy 


هذي الصراحة كنت اتابعها بس مادري كيف احس تغيرت نظرتي لها بعد ماشفت لها مقطع تقول انها عسكرية وشاركة ف حرب العراق وانو زوجها ينصدم اذا شافها تفصخ لبسها العسكري وتشغل الكام وتنزل فيديو عن المكياج والفاشن بس مايمنع ان طريقة شغلها بشعرها جمميل ..


الشعر صراحة مافي قناة معينة بس اكتب ف البحث 


hairstyles 

hair tutorial


ويطلع لي كل شي متعلق بستايلات او تساريح الشعر .. بعرض لكم كم قناة اعتبرها مرجع هذول البنات اتابعهم بس نسيت اسمائهم وانا اسولف مع بنت اختي عن التدوينة ذكرتني فيهم .. شكراً جيييج 

(4)
ماشاء الله هذي اصلاً شعرها مساعدها يضبط جممميل شغلها ..



اسمها .. luxy hair 











(5)

هذي احبها صراحة تساريحها احس يصلحون لمناسبات و زواجات تحسونها محترفة بالي تسوية البططة ذي ليتها تجي تسوي دورات بصالوناتنا يتعلمون منها .. 



اسمها ..womenbeauty1 

(6)


هذي شغلها رقييييق بقوووة وناعم .. 


اسمها lilith moon


قنوات المنزل و المطبخ ..

(7)
 

a chic thing 

هذي القناة قريب عرفتها وانا فخورة فيها هي بنت سعودية تنزل طبخات لذيييذة وبسيطة 

(8)


athomewithnikki 

هذي انسانة فضضضيعه بالترتيب ماشاء الله شششي طريقة ترتيبها وتنظيمها نفسي اوريكم مقاطع لها بس حالياً بنتي مزعجتني مو قادرة اركز بس بنزلكم صورة من الفيديو حق ثلاجتها ودي اجيبها شغالة عندي هههههههه لو تسمعني ..



بعطيكم كلمات تحطونها بالبحث حق اليوتيوب وتطلع لكم مقاطع تنظيم ..

تنظيم المنزل: 

organization  home

تنظيم المطبخ :

ganization kitorchen


طبعاً اكيد عارفين اليوتيوب من تفتحين مقطع تطلعين مختمة اليوتيوب كله 
تفتحين من مقطع لمقطع .. 


بكذا اكون خلصت التدوينة ويارب اكون افدتكم واعتذر لو كانت التدوينه ناقصة او فيها اخطاء  بنتي تعبانه وتعرفون نفسية الطفل التعبان ماتخليك تركزين بشي الله يعافيها ويخليها لي يارب ..


راح اعدل ع التدوينة ولو عدلت بعلن لكم ع الاينستغرام عشان ابغى اضيف روابط قنوات اليوتيوب الي تكلمت عنهم لان عندي مشكلة ف البلوج ما اقدر اضيف روابط انتقال لليوتيوب ..