طريقة اعداد فطيرة زعتر لذيذة ..

مرحبا ..





احسني صايرة قلق اليوم بس ماعليش تحملوني .. بنزل طريقتي في اعداد الفطيرة  ..


( قبل كل شي حبيت اعتذر على الصور بالتدوينة الي راحت وهذي لان الشاحن حق بطارية الكام ضايع 
بس احصلة او اشتري جديد ابشرو بالصور السنعة )

اول شي بقولكم ترى انا من الناس الي تخبص بالطريقة وماتسويها بحذافيرها واحب اضيف من عندي ابداعات 

العجينة عجينة الربع ساعة نقصت من المقادير لشخصين يعني المقادير الي بحطها بتطلع لك صينية صغيرة 

عاد انتي وشطارتك قيسي الكميات الي تكفي العدد الي بتسوين له طبعاً لو بتسوون سيرش لطريقة العجينة
بتحصلونها مرحلتين جربتها وماضبطت هذا شي الشي الثاني كنت صايمة عاشورا ومالي خلق حوسة 
فا جمعت المقادير بمرحلة وحدة اسرع لي .. :)


مقادير العجين & الطريقة :


2 كاس ونص دقيق ابيض ..
كاس ونص ماء دافي ..
نص ملعقة ملح ..
فنجال حق القهوة سكر غير مطحون ..
ملعقة كبيرة خميرة ..
ملعقة صغيرة باكنج باودر 
ثلاث ملاعق كبيرة حليب بودرة 
نص كاس زيت ..


اخلطي المقادير الجافة اول بعدين السائلة اذا حسيتي العجين لينة مررة زي المويا زيدي دقيق شوي 
العجينة لما تطلع معك العجينة كويسة اصلاً بتطلع لينه شوية ماعليك خليها وكملي لك شغلة غسلي المواعين 
حضري لك اي شغلة انا خليتها تقريباً نص ساعة بعدين صبيت العجين بالصينية وطبعاً معروف تدهن قبل بزيت 
هنا عاد سرر الطبخة حقي في اكثر من طريقة ممكن تكون الطبقة الي فوق العجين جبن مالح
 وزيت زيتون وزعتر او  لبنة وزعتر الي يعجبكم انا شخصياً اخلط 

( 3 ملاعق كبيرة زبادي + ملعقتين جبن سايل + 3 ملاعق لبنة + زيت زيتون )

بيطلع معاك طعم اليييييم لذيييييذ التزيين نعناع مجفف زعتر سماق 

دخليها الفرن وبعد ماتخلص خليها تبرد شوي بس غطيها بمنشفة خفيفة اكتشفت ان هذي الطريقة 
ماتخلي الفطيرة او الكيك ينفش او ينخفض من فوق .. جربون ليش لا ؟


هنا خلصنا .. اتمنا تستمتعون بالطعم الذيذ وقولوا لي تجاربكم ع الانستجرام .. 






glamourmyplog